IGISIRIKARE CYA LETA YA CONGO FARDC CYATANGAJE KO CYIRUKANYE INGABO ZA M23 MU GACE K A WALIKALE

Igisirikare cya Repubulika irharanira demokarasi ya Congo  gifatanyije na abanrwanyi ba ba Wazalendo cyatangaje ko cyavanye inyeshyamba za M23 mu gace ka Kalembe muri Walikale. Ni nyuma y’amakuru yemezaga ko umutwe wa M23 wafashe aka gace nyuma y’imirwano yabaye ku cyumweru gishize.

Ku wa mbere, bamwe mu bahagarariye Teritwari ya Walikale bemeje imirwano yabaye ku cyumweru n’ifatwa ry’agace ka Kalembe kari hafi y’urubibi rwa teritwari za Walikale na Masisi z’Intara ya Kivu ya Ruguru.

Radio Okapi ivuga ko imirwano yubuye ku wa mbere ahagana saa yine z’amanywa muri ako gace hagati ya M23 n’imitwe ya Wazalendo ifatanya n’ingabo za leta.

Ku wa mbere nimugoroba igisirikare cya Leta ya Congo (FARDC) cyatangaje ko cyavanye M23 muri Kalembe kandi ko “FARDC igenzura byuzuye ako gace” nyuma y’uko “benshi [mu bagize M23] basubiye inyuma bagana i Masisi”.

M23 ntacyo iravuga ku byatangajwe na Wazalendo na FARDC.

Mu biganiro biheruka guhuza u Rwanda na DR Congo, ba minisitiri b’ububanyi n’amahanga basabye umuhuza , Angola ,kongera agategura “umushinga w’ibyakorwa” w’uko bazashyira mu ngiro ingingo ebyiri z’ingenzi z’umushinga wageza ku mahoro Angola yahaye impande zombi ari wo  Gusenya umutwe wa FDLR ndetse  n’u Rwanda guhagarika ibikorwa by’ingabo/kureka ingamba zo kwirinda.